Header Ads

Aleh Soe Meucuca i Nisam, Mandum Kateumakot, Na Djang Sue Jantoeng Kalagee Sue Pabrek

acehbaru.com | Berita Bahasa Aceh- Teungoh ureung teunang jak u gle, jak u blang, peugleh lampoh sawet, dan ek Pineung meusereungga. Aleh keulompok teoh djang ka ceubeuh that jak poh dua anggeta tentara Kodim 0103 Aceh Utara di Duson Alue Mbang Gampong Alue Papeun Kecamatan Nisam Antara. Akibat jipubutnyan mandum masyarakat dikawasannyan dan ureung djang baca infonyo meurasa teumakot. Rabu, 25 Maret 2015


Padit-paditdroe ureung Gampong di Nisam yang getanyeong le reporter situh berita acehbaru.com, nakeuh geupeugah gara-gara aleh soe jak mita cungkhek jak peudong dua anggeta intel kodim nyan di Duson Alue Mbang, Senin, 23 Maret 2014 djang leuhnyan jidrop dan jimee u jalan menuju Duson Batee Pila, disinankeuh dua anggeta tentara nyan diteume ka meninggai jitimbak. Bak jeum poh 8 uroe Seulasa, 24 Maret 2015.


Gara-gara cungkheknyan dum masyarakat padit boh Gampong dalam kawasannyan hanle beuhee jak u gle, dan teubit malam, saweub gara-gara cungkheknyan gethat jai teuntera dan peulisi kajijak u kawasan gampongnyan, nakeuh- jijak seutot keulompok djang peulaku peukaranyan.


Keumoudo Korem 011 Lilawangsa Kolonel Infanteri Ahmad Daniel Chardien geupenyata ateuh hainyan akan geukeurahkan 6 boh Batalyon bala teuntera untoek geubantu pak peulisi dalam rangka geupicroek peulaku djang menoroet info kaleuh ureung kalon dan geubileung jumeulah jih kira-kira 10 sampe 15 droe. Keulompok djang geuduga roeh lam peukara timbak dua anggeta TNI jipakek beude panyang, dan baje jih meujampu-jampu.


Pak Achmad Daniel Chardin, na geuduga, bak peukara timbak anggeta Kodimnyan, na 3 kelompok meubeudee dikawasan Nisam Antara. Saboh keulompok keumudo jih Bahar, Dahlan dan djang keu 3 Keulompok Din Minimi. Tapi gobnyan hanjeut geupastikan soe djang timbak dua Intel Kodim hingga meuninggai.


“Hana jeut tatuduoh, keulompok teoh djang timbak, kamo jak cek ile saban-saban dengon peulisi, mudah-mudahan bagah meuteuumee,”Peugah Gobnyan bak Jurnaleh.


Ateuh kondisinyan, padit–padit droe warga dikawasan kejadian geu-ngaku wate geuu-eue Teuntra dan Peulisi sereuta geudengo sue beude malam baroe, jantoeng ka hana teunang.


“Gara-gara nyoe kabeh meudup- duep jantoeng ureung Gampoeng,”Kheun sidro Keuchik daerahnyan. |IRV-Berita Bahasa Aceh |

Tidak ada komentar

Diberdayakan oleh Blogger.